Ähnes scheene Daachs … „Wieso bischd dann du heit erschd um fünef Dehemm gewähn? Sah e mohl, wo warschde dann in da ledschd halb Stunn? Haschd doch nur e paar Meder bis hemm. Dir gedds zegudd. Was haschde dann im Kopp?“ Elli konnts nit fasse. Träne renne iwwer ihre Backe. „Joh, doh flenn doch!“ Frija war´s aach schon e mohl annaschda gewähn. Was waren passiert? „Verdammte Scheiße. Wo haschde dann denne Mischd gekaaft oder haschde das tatsächlich selbschd gekocht.“ Franz spuckt in de Ähmer. „Es dudd ma lääd, ich hann ma doch so vill Mieh gebb. Haschde mich dann nimme lieb?“ „Ei, denne Fraß kannschde sellwer fresse!“ Die Träne sinna iwwer die Backe gelaaf unn se iss kraftlos uff de Boddem gesunk. Wie in gudde, so aach in de schlechte Daache, hat de Parrer gesaht – dòòmohls! Das dòò misse dann wohl die schlechde gewähn sinn! „Maria helf ma!“ Ann gudde Daache hat er se zum Esse ingelad. Dann hat´se extra fir ne es neie Kläd angezoh, nur um em zu gefalle. Awwer nòò zwei Flasche Wein war´s mit seiner Freindlichkääd vorbei… „Geht´s vielleicht noch kirzer? Hat´s nit fir e ganzer Rock gereicht. Flittche!“ Mit jeder Schnapsflasch iss es schlimmer wòhr. Aus verbal, wurd brutal. Die Teller und Feischd sinn geflòh. „Bledi Kuh. Geh ma aus de Aue“. Sei flachi Hand traf´se ins Gesicht. „Arschloch!“ Ihr sinn die Backe abgefackelt. Aus Wut hat´se dann Plän geschmied. So stark hat´se sich schon lang nimme gefiehlt. So e unbekanndi Kraft floss durch die Adere, bis in ihr Seel. Uff da Aarwed, konnd´se sich Zeit lasse. In so ääner Klinik gab´s vill Meschlichkääde um was Passendes ze finne, unn de Freind aus da Apothek wird doch wohl aach geholf hann? Schließlich hat der joh Bescheid gewusst. Heit wars so weit! Pinktlich hat´se sich uff de Hemmwäsch gemacht. Damit er nix merkt. Unsicher, awwer zu allem entschlossen, schitzend die Hänn iwwer de Balsam fir ihr Seel gehall. Se hat ihr Mann nur zu gudd gekennt unn wuschd, dass er sein Gewohnheide iwwer die Jòhre nit verännert hatte. Es kame e paar Daach, in denne´se vill Angschd und Hoffnung erläbt hat. Unn mit jedem Daach, an demm´se ihm sein Heilmiddel heimlich in de Joghurt gemischt hat, unn er ne ohne was ze merke gess hat, sinn sein Kräfte geschwunn. Er iss immer schwächer wòhr. Es war äänfach nur scheen! Selbschd es Halle von seiner Kornflasch iss´em schwer gefall. Sei Hänn hann gezittert unner der Laschd. Äänes scheene Daachs, konnt er noch nit e mòhl meh sei Glas nòh ihr werfe. Emm Elli huschd e zartes Lächele iwwers Gesicht, das langsam widder Farb gritt hat. Sei ingetriebde Aue hann´s längschd nimme regischdriert. In wache Momente hat a sich manchmòhl gewunnert. Wie konnt dann so ebbes sinn? Was war´n nur los? Irgendwann gings zu Enn. Genauso wie es Elli´s geplant hat. Känn Arzt hat e Lösung gefunn. Ään Organ nòhm annere hann ihr Funktion ingestellt. Es hat dann nimme lang gedauert, bis er nur noch im Bett leihe konnt. Es Elli hat´s in volle Ziech genoss. Sie hat´ne nur noch mit komische Sache gefiddert. Grießbrei mit ingebrocktem Lewwerwurschdbrot … Im kirzeschde Klääd isse um sein Bett gedanzt: „Unn gefall ich dir? Wääschde noch, wie däs mir gekaaft haschd?“ Sei Dòòd kam lautlos und unabdingbar. Am Grab des frija geliebten Gatten stand´se nun in gespieltda Drauer. „Er hat es überstanden.“ Die liewe Worte vom Parrer ware schuld, das´se ganz leis, geheimnisvoll vor sich hin lächele musst.
Dieser Beitrag verstößt gegen die Netiquette des Forums. Wir dulden keine extremistischen Texte, keine frauenfeindlichen oder sexistischen Texte. Keine Pornografie. Dein Text allerdings verstößt in diesem Forum gegen unsere Regeln.
Dieser Beitrag enthält unerwünschte Werbung.
Beiträge, die IN GROßBUCHSTABEN oder fett geschrieben sind bitte vermeiden.
{[userwarning_empty_error]}
Es wird der oben genannte Grund verwendet. Klicken Sie hier, um den Inhalt der privaten Nachricht anzupassen
Legen Sie hier den Inhalt der PN-Benachrichtigung fest.
Hinweis: Dieses Mitglied wurde bereits 2 Mal verwarnt. Bei einer weiteren Verwarnung wird das Mitglied automatisch gesperrt.
Foreninhaber und Administrator: Bernd Rosarius - Seitengestaltung Gabriella Dietrich
Forendesign: Lindi am 23.10.2022 - Copyright by Gabriella Dietrich
Forum online seit 09.06.2006